ჩემი ღრმა ბავშვობიდან მოყოლებული, სულ მახსოვს, რომ ფორტეპიანოზე ვუკრავ. თავიდან იყო მარტივი მელოდიები, რომელიც შეიძლება სადმე გამეგო. ტელეეკრანიდან ან რადიოში. მას შემდეგ რაც მუსიკალურ სკოლაში სწავლა დავიწყე, არც ჩემს მუსიკალურ მონაცემებთან და არც შესაძლებლობებთან პრობლემა არავის ჰქონია, გარდა ერთისა - კლასიკურ ნაწარმოებების ჩემი ინტერპრეტაციით ვუკრავდი.
ჩემი მასწავლებელი, რომელიც საკმაოდ მკაცრი ქალი იყო, ამის გამო ხშირად მეჩხუბებოდა. ერთხელ მუსიკალური სკოლის დირექტორმა უთხრა:
"მიეცი შანსი თავად დაწეროს მისი მუსიკა და შეასრულოს."
ბავშვობის ისტორიები სწორედ ერთ-ერთი მაშინ შექმნილი კომპოზიციის ახლებური ვერსიაა. ის შექმნილია წლების წინ.